Estetik restavrasiya
Kompozit plomb və kompozit vinirlə dişlərin forma və rəngi, diastema və qırıqlar təbii görünüşdə bərpa olunur.
Sağlam gülüşün ünvanı
Dr. Vəfa Məmmədova Şəkidə həkim-stomatoloq
Dr. Vəfa Məmmədova 2010-cu ildən stomatoloq kimi çalışır və hazırda Şəkidə «Sağlam Təbəssüm» klinikasında qəbul edir. Estetik restavrasiya, breket müalicəsi, zirkonium qapaqlar, protezlər və uşaq stomatologiyası üzrə hər müalicəni təbii görünüşü qoruyaraq planlaşdırır.
- 16 ilstomatoloji təcrübə
- ATU2005–2010 məzunu
- Şəki«Sağlam Təbəssüm» klinikası
Təbii görünüş, minimal müdaxilə
Steril iş prinsipiPaketlənmiş alətlər, avtoklav
Xidmətlər
Estetikadan protezə qədər kompleks stomatoloji yardım
Müayinədən sonra şikayətinizə və dişlərin vəziyyətinə uyğun müalicə planı hazırlanır — sadə plomblamadan hər iki çənənin tam reabilitasiyasına qədər.
Breket müalicəsi
Diş sırası əyriliyi, açıq və dərin dişləm, III sinif anomaliya və sıradan kənarda çıxmış köpək dişləri üçün ortodontik müalicə.
Zirkonium və metal-keramika
Köhnəlmiş və estetikasını itirmiş qapaq və körpülərin yenilənməsi, dişə uyğun fərdi rəng və forma seçimi.
Protezlər
Total, hissəvi çıxan, bügel və elastik Deflex protezlərlə itirilmiş dişlərin estetik və funksional bərpası.
İmplant
İtirilmiş dişlərin implant və implantüstü qapaqlarla bərpası — tək dişdən tam dişsiz çənəyə qədər.
Kanal müalicəsi
Kök kanallarının müalicəsi və əvvəllər natamam doldurulmuş kanalların təkrar işlənməsi.
Gigiyena və ağardılma
Diş daşının təmizlənməsi, AirFlow, diş əti qanamasının müalicəsi və dişlərin ağardılması.
Uşaq stomatologiyası
Süd və daimi dişlərin müalicəsi, gigiyena vərdişləri və ortodontik aparatlar — uşağın qorxmadan müalicəsi üçün.
Diş çəkimi və gingivoplastika
Ağıl dişinin çəkilməsi və güləndə diş ətinin çox görünməsinin («gummy smile») korreksiyası.
Yanaşma
Təbii nəticə, dəqiq protokol
Dr. Vəfa Məmmədovanın iş prinsipi sadədir: dişi mümkün qədər qorumaq, müalicəni protokola uyğun aparmaq və nəticənin həm estetik, həm də funksional olmasına çalışmaq.
-
Minimal müdaxilə
Plombla bərpası mümkün olan diş qapağa salınmır. Məqsəd dişləri süni və həddindən artıq dəyişmək deyil, təbii görünüşü qoruyaraq daha harmonik təbəssüm yaratmaqdır.
-
Protokola uyğun iş
Rubber dam izolyasiyası, retraksiya sapı, pilləli yonum və dişlər arasında düzgün kontakt nöqtələri — uzunömürlü nəticə məhz bu detallardan başlayır.
-
Sterillik
Alətlər paketlənir və avtoklavda sterilizasiya olunur. Təmizlik hər uğurlu müalicənin başlanğıcıdır.
-
Qorxunu anlayan yanaşma
Diş həkimindən qorxan xəstələrlə əvvəlcə açıq söhbət aparılır, müalicə mərhələlərlə planlanır. Uşaqlarla iş isə onların dünyasına daxil olmaqdan başlayır.
-
Sənədləşdirilən nəticə
Müalicədən əvvəlki və sonrakı vəziyyət peşəkar fotoaparatla qeydə alınır ki, nəticələr dəqiq və detallı şəkildə izlənsin.
Mən balaca Vəfa olarkən özümə verdiyim sözü yerinə yetirdim. Artıq 16 ildir ki, stomatoloq olaraq fəaliyyətimi davam etdirirəm.
Klinik hallar
Hər təbəssümün arxasında bir hekayə
Həkimin paylaşdığı müalicə nəticələrindən seçmələr. Xəstələrin şəxsi məlumatları göstərilmir.
Açıq dişləm tələffüzə təsir edəndə
Nəticə: ilk 3 ayda qapanışdakı dəyişiklik tələffüzə müsbət təsir etdi, xəstə növbəti imtahandan uğurla keçdi.
Anadangəlmə olmayan yan kəsicilər və diastema
Nəticə: dişlərin forma və ölçüsü bərpa olundu, boşluqlar bağlandı, gülüş xətti harmonik oldu.
Rezorsinlə işlənmiş dişlərin rəng dəyişikliyi
Nəticə: dişlərin forma və rəngi üz cizgilərinə uyğun seçildi, təbii görünüş və funksiya bərpa olundu.
Həkim haqqında
Təcrübə və davamlı təhsil
Dr. Vəfa Məmmədova Azərbaycan Tibb Universitetini 2010-cu ildə bitirib. Stomatologiyanı daim yenilənən sahə hesab edir və müntəzəm olaraq kurs, master-klass və konfranslarda iştirak edir.
-
2026
Həkimləri təkmilləşdirmə institutunda təlim
Yeddi günlük nəzəri təkmilləşdirmə kursu.
-
2025
Vinirlər üçün diş preparasiyası
Praktiki kurs, sertifikatla.
-
2025
«Sadə və qabaqcıl estetik kompozit restovrasiyalar»
Akkreditə olunmuş, 8 kreditlik master-klass.
İctimai fəaliyyət
«Fırçala, Gülümsə, Parla»
2026-cı ilin iyununda «YAŞAT» Fondunun Şəkidə şəhid övladları üçün təşkil etdiyi düşərgədə ağız boşluğu gigiyenası üzrə maarifləndirici tədbir keçirildi. Dr. Vəfa Məmmədova tədbirdə könüllü həkim kimi iştirak edib.
40şəhid övladı maarifləndirici təlimdə iştirak etdi
ŞəkiOlimpiya İdman Kompleksi
Ödənişsizağız boşluğu müayinəsi
Könüllühəkimlərin iştirakı ilə
Suallar və cavablar
Qəbuldan əvvəl ən çox soruşulanlar
Dr. Vəfa Məmmədova harada qəbul edir?
Dr. Vəfa Məmmədova Şəkidə «Sağlam Təbəssüm» klinikasında qəbul edir. Ünvan: Aydın Məmmədov küç. 18A, Şəki (vağzalın yanında, Sobezlə üz-üzə). Qəbul üçün həkimin telefonu: +994 55 731 31 45.
Zirkonium yoxsa metal-keramika — hansını seçmək lazımdır?
Zirkonium qapağın daxili qatında metal olmur, işığı keçirir və buna görə daha təbii görünür. Metal-keramika isə uzun illərdir istifadə olunan möhkəm konstruksiyadır. Seçim dişlərin vəziyyəti, estetik gözlənti və büdcəyə görə müayinədən sonra birlikdə edilir.
Breket müalicəsi nə qədər çəkir?
Müddət qüsurun növündən və mürəkkəbliyindən asılıdır. Dr. Vəfa Məmmədovanın paylaşdığı hallarda müalicə 11 aydan təxminən 1 il 8 aya qədər çəkib: diş sırası əyriliyi daha qısa, dərin dişləm və sıradan kənarda qalmış köpək dişləri kimi hallar daha uzun müddət tələb edib. Dəqiq müddət müayinədən sonra deyilir.
Uşaqları da qəbul edirsiniz?
Bəli. Süd və daimi dişlərin müalicəsi, gigiyena təlimi və ortodontik aparatlarla müalicə aparılır. İlk görüşdə uşağın qorxmaması və həkimlə güvən yaranması xüsusi diqqətdə saxlanılır.
Qəbul
Şəkidə, «Sağlam Təbəssüm» klinikasında
Aydın Məmmədov küç. 18A, Şəki — vağzalın yanında, Sobezlə üz-üzə. Qəbul vaxtını əvvəlcədən telefonla və ya WhatsApp vasitəsilə razılaşdırın.
- Telefon:+994 55 731 31 45
- WhatsApp:+994 70 324 22 44